Categories
News

عوام کے لئے خوشخبری: گوگل کروم میں اہم فیچر کا اضافہ، سن کر آپ حیران ہو جائیں گے

لاہور: (ویب ڈیسک) گوگل کا ویب براؤزر کروم اب خودکار طور پر ویب سائٹس کے نوٹیفکیشنز ڈس ایبل کرسکے گا۔ویب براؤزر کی جانب سے یہ فیصلہ صارف کی براؤزنگ ہسٹری کو دیکھتے ہوئے کیا جائے گا۔گوگل نے ایک بلاگ پوسٹ میں بتایا کہ کروم کے نئے ورژن میں مشین لرننگ ماڈل کو شامل کیا جارہا ہے جو کسی صارف کی براؤزنگ ترجیحات کی پیشگوئی کرے گا۔

بلاگ کے مطابق ماڈل کی پیشگوئیوں کی بنیاد پر سسٹم نوٹیفکیشنز کو خودکار طور پر آن یا آف کرسکے گا۔یہ اضافہ گوگل کی جانب سے ویب براؤزنگ کے استعمال کے تجربے کو بہتر بنانے کے لیے کیا جارہا ہے۔اس کے ساتھ ساتھ کمپنی اے آئی ٹیکنالوجی کے استعمال کو بھی بہتر بنانا چاہتی ہے۔ گوگل کروم کی جانب سے کسی سائٹ کے نوٹیفکیشن بند کیے جانے پر صارف خود اسے دوبارہ بحال کرسکتا ہے۔ اسی طرح گوگل کی جانب سے سرچ بٹن کو خودکار طور پر مائیکرو فون آئیکون میں بھی بدلا جارہا ہے تاکہ اگر صارف کسی کام میں مصروف ہو تو اسے فون اٹھا کر ٹائپ نہ کرنا پڑے۔ کمپنی کے مطابق یہ فیچر صارفین اپنی پسند کے مطابق تبدیل کرسکیں گے۔

جواب دیں

آپ کا ای میل ایڈریس شائع نہیں کیا جائے گا۔