Categories
Totkay

اگر آپ بھی خوبانی کے بیج توڑ کر کھاتے ہیں تو ۔۔۔ ان کو کھانے سے ہونے والے زہریلے نقصان جان کر آپ یہ کام ہر گز نہیں کریں گے

خوبانی گرمیوں کا ایک مزیدار پھل ہے۔ اس کو کھانے کے بعد اکثریت اس کا بیج توڑ کر بادام ضرور کھاتے ہیں۔ جس کی وجہ یہ بھی ہے کہ اس میں موجود بادام بہت میٹھا ہوتا ہے اور بازار میں بادام خریدنے جاؤ تو اس کی قیمت بہت زیادہ ہوتی ہے۔ بچے بھی خوبانی کے بیجوں کو شوق سے کھاتے ہیں۔ لیکن ان کو کھانے کے کچھ نقصان بھی ہیں۔ آپ بھی جان لیں تاکہ اگلی مرتبہ کھانے سے قبل آپ احتیاط ضرور کریں گے۔

نقصان:
٭ خوبانی کا بادام ایمگڈالن نامی کیمیکل سے بھرپور ہوتا ہے جو کینسر کے مرض میں مزید نقصان دہ ثابت ہوتا ہے اس لئے وہ لوگ جن کو یہ بیماری ہے وہ قطعی اس کو استعمال نہ کریں۔
٭ اس کو حاملہ خواتین ہر گز نہ کھائیں کیونکہ اس سے پیٹ میں درد بھی ہوگا اور یہ آنے والے بچے کی صحت کے لئے بھی غیر موزوں ہے۔
٭ دودھ پلانے والی ماؤں کے لئے یہ بادام مضرِ صحت ثابت ہوتا ہے کیونکہ اس سے دودھ کی مقدار میں کمی بھی ہوتی ہے اور بچے کا پیٹ اس سخت اجزاء کو برداشت نہیں کر پاتا۔
٭ اس میں موجود ایمگڈالن نامی جز جسم کے اندر جا کر کر سائنایئڈ زہر بناتا ہے جسے ایک محدود مقدار سے زیادہ کھایا جائے تو موت واقع ہوسکتی ہے-
٭ ان کو کھانے سے الٹی، خون کے دباؤ کا مسئلہ، سر چکرانا اور شریانوں کو نقصان بھی پہنچ سکتا ہے۔

فائدہ:
٭ اس بادام سے نکلا ہوا تیل بالوں کی افزائش اور نشوونما کے لئے بہت فائدے مند ہے۔ اس کو بالوں کی جڑوں میں ہفتے میں 2مرتبہ لگائیں اور کچھ گھنٹے کے بعد دھو لیں۔
٭ یہ بادام چونکہ کئی کیمیکلز کا مرکب ہے یہ وزن میں تیزی سے کمی کرتا ہے۔ اس کو پانی میں ابال کر پی لیں یہ فائدے مند نسخہ ہے۔ لیکن اگر بلڈپریشر جیسے مسائل ہیں تو ڈاکٹر سے رابطہ کریں۔
٭ خوبانی کے بیج کو اگر پاؤڈر بنا کر گرم پانی کے ساتھ پھانکیں تو یہ قبض کا ایک بہترین علاج ہے۔
٭ وہ بچے جن کو پھوڑے پھنسیاں زیادہ نکلنے کی شکایت ہو وہ اس بادام کو دودھ کے ساتھ بلینڈ کرکے چہرے پر لگائیں اس سے ٹھندک بھی ملے گی، دانے بھی ختم ہوں گے اور آپ کی جلد بھی چمکدار ہو جائے گی۔

جواب دیں

آپ کا ای میل ایڈریس شائع نہیں کیا جائے گا۔