Categories
Uncategorized

شین وارن کے ساتھ آج بہت ساری کرکٹ مرگئی : رمیز راجہ

سابق لیگ سپنر 52 سال کی عمر میں چل بسے ہیں سڈنی (اردو پوائنٹ تازہ ترین اخبار ۔ 4 مارچ 2022ء ) پاکستان کرکٹ بورڈ کے چیئرمین رمیز راجہ نے شین وارن کی موت کو کرکٹ کی موت قرار دیدیا ۔ لیجنڈری لیگ سپنر کے وفات پر اپنے ٹویٹ میں رمیز راجہ کا کہنا تھا کہ ’’ شین وارن آپ کے ساتھ آج بہت ساری کرکٹ مرگئی ہے‘‘۔ یاد رہے کہ آسٹریلیا کے لیجنڈری سپنر شین وارن دل کا دورہ پڑنے سے انتقال کرگئے، شین وارن کی عمر 52 سال تھی۔

ترجمان شین وارن کا کہنا ہے کہ شین وارن تھائی لینڈ کے وِلا میں مردہ حالت میں پائے گئے، ان کا انتقال حرکت قلب بند ہونے کی وجہ سے ہوا۔

ترجمان کا مزید کہنا ہے کہ شین وارن کو میڈیکل ٹیم نے بچانے کی پوری کوشش کی لیکن وہ جانبر نہ ہوسکے۔ شین وارن نے آسٹریلیا کی جانب سے 145 ٹیسٹ میچز میں 708 وکٹیں لیں، شین وارن نے 194 ون ڈے انٹرنیشنل میچز میں 293 کھلاڑیوں کو آؤٹ کیا۔ شین وارن نے 1992ء سے 2007ء تک آسٹریلیا کی نمائندگی کی۔                                                                                                                                                                                                                                                                                                       

جواب دیں

آپ کا ای میل ایڈریس شائع نہیں کیا جائے گا۔