Categories
Uncategorized

ویسٹ انڈیز کے خلاف ہوم سیریز: کن کھلاڑیوں کو سیریز میں آرام دیے جانے کا امکان؟ نام سامنے آگئے

ویسٹ انڈیز کے خلاف ہوم سیریز کیلئے قومی اسکواڈ کا اعلان ایک دو روز میں متوقع ہے، سابق کپتان سمیت کئی اہم کھلاڑیوں کو آرام دئیے جانے کا امکان ہے۔

ذرائع کا کہنا ہے کہ شعیب ملک اور محمد حفیظ ویسٹ انڈیز کے خلاف ہوم سیریزمیں شامل نہیں ہوں گے جبکہ سابق کپتان سرفراز احمد اور عماد وسیم کو بھی آرام دیئے جانے کا امکان ہے۔

ذرائع کے مطابق وائٹ بال اسکواڈ میں شامل کھلاڑی نو دسمبر کو کراچی میں اکٹھے ہوں گے، ایک روز کی آئسولیشن اور کوویڈ ٹیسٹنگ کے نتائج آنے کے بعد کھلاڑیوں کو ٹریننگ کی اجازت ملے گی۔

واضح رہے کہ ویسٹ انڈین ٹیم 9 دسمبر کو کراچی پہنچے گی جبکہ سیریز کے میچز 13 سے 22 دسمبر کے درمیان کراچی میں ہوں گے۔

ویسٹ انڈیز کرکٹ بورڈ کی جانب سے پاکستان کے خلاف 3 ٹی ٹوئنٹی اور 3 ون ڈے میچز کی سیریز کیلئے ٹیم کا اعلان کیا جاچکا ہے، ٹیم کی قیادت کیرون پولارڈ کریں گے جبکہ نیکولس پورن ٹی ٹوئنٹی اور شائی ہوپ ون ڈے اسکواڈ میں نائب کپتان ہوں گے۔

جیسن ہولڈر کو آرام کی غرض سے ٹیم میں شامل نہیں کیا گیا شیمرون ہٹمائر، آندرے رسل، سمنس اور ایون لوئس سلیکشن کے لیے دستیاب نہیں تھے۔

جواب دیں

آپ کا ای میل ایڈریس شائع نہیں کیا جائے گا۔