Categories
News

طالبان نے اہم افغان شہر میں کرفیو نافذ کردیا ہر قسم کی نقل و حرکت پر پابندی عائد کردی گئی

کابل(این این آئی)افغانستان کے شہر خوست میں طالبان انتظامیہ نے کرفیو نافذ کردیا، جس کے بعد سڑکوں پر سناٹا ہوگیا ہے۔میڈیارپورٹس کے مطابق طالبان حکام کا کہنا تھا کہ خوست میں ہر قسم کی نقل و حرکت پر پابندی عائد کردی گئی ہے۔ شہری آئندہ احکامات

تک گھروں میں رہیں۔حکام کا کہنا تھا کہ کرفیو کا مقصد شہر میں ہنگامہ آرائی کو روکنا ہے۔گزشتہ روز خوست میں بھی افغانستان کے قومی پرچم کے معاملے پر مظاہرے ہوئے تھے۔افغانستان کے شہر اسد آباد میں یومِ آزادی کی ریلی کے دوران فائرنگ کے نتیجے میں کئی افراد ہلاک ہوگئے تھے۔برطانوی خبر رساں ادارے نے عینی شاہدکے حوالے سے بتایا کہ اسد آباد میں ریلی کے دوران قومی پرچم لہرانے پر طالبان کی جانب سے فائرنگ کی گئی۔عینی شاہد کے مطابق واضح نہیں ہوا ہے کہ ہلاکتیں فائرنگ سے ہوئی ہیں یا بھگدڑ مچنے سے۔طالبان کے ترجمان کی جانب سے اسد آباد میں پیش آنے والے فائرنگ کے واقعے پر کوئی ردِ عمل ابھی سامنے نہیں آیا ۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے