Categories
News

سیف کرینہ کے دوسرے بیٹے کا نام سامنے آنے پر ایک بار پھرسوشل میڈیا پر ہنگامہ

ممبئی (مانیٹرنگ ڈیسک،این این آئی) حال ہی میں کرینہ کپور نے اپنی کتاب کرینہ کپور خانز پریگنینسی بائبل متعارف کروائی ہے۔ جس میں انہوں نے کتاب کے آخری صفحات تک اپنے دوسرے بیٹے کو” جے” کے نام سے پکارا ہے۔ لیکن کتاب کے آخری صفحات

کرینہ کے حمل کے دوران اور بعد کی تصاویرپر مشتمل ہیں اور تصویر کے کیپشن میں انہوں نے اپنےدوسرے بیٹے کا نام جہانگیر علی خان لکھا ہے اور اسی کتاب کے آخری صفحے پر کرینہ نے پہلی بار اپنے دوسرے بیٹے کی تصویر بھی ظاہر کی ہے۔سیف اور کرینہ کے دوسرے بیٹے کا نام منظرعامپر آتے ہی ایک بار پھر بھارتی سوشل میڈیا پر اس نام کو لے کر ہنگامہ کھڑا ہوگیا اور بھارتی صارفین پھر سے دونوں کو تنقید کا نشانہ بنارہے ہیں۔ ایک صارف نے سیف علی خان پر تنقید کرتے ہوئے کہا تیموراور جہانگیر کے بعد شاید اگلا نام شاہجہاں اور اورنگزیب ہوسکتا ہے۔ سیف علی خان مغل بادشاہت کو زندہ کرنے کی کوشش کررہے ہیں۔دوسری جانب بالی ووڈ کی معروف اداکارہ کرینہ کپورخان اپنے تیسرے بچے کوجلد دنیا کے سامنے پیش کرنے کے لیے بے تاب ہیں ۔ اداکارہ کرینہ کپورخان نے حال ہی میں اپنی کتاب پریگنینسی بائبل میں حمل کے دوران محسوس کیے جانے والے احساسات قلمبند کیے ہیں۔ کرینہ کپور نے اپنی کتاب پریگنینسی بائبل کو تیسرا بچہ قرار دیتے ہوئے انسٹاگرام پر اس کی رونمائی کی تھی ۔اسی حوالے سے اداکارہنے انسٹاگرام پر ایک خصوصی پوسٹ میں اپنے مداحوں کو خوشخبری سنائی ہے کہ ان کی کتاب پریگنینسی بائبل کو باقاعدہ آج معروف بھارتی ہدایتکار کرن جوہر کے ایک لائیو شو میں لانچ کیا جائے گا۔انہوں نے اپنی انسٹا پوسٹ میں لکھا کہ میں بہت بے تاب ہوں ۔اداکارہ نے لکھا کہ کرن جوہر کے ساتھ لائیوشو میں میرے ساتھ شامل ہوں، کیونکہ کہ وہ اپنے تیسرے بچے کو دنیا سے متعارف کروانے جارہی ہیں ۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے